Парламент дәресе - 2018

 «Парламент, җәмгыять һәм мин»

2018 елның 15 октябреннән алып 20 октябренә кадәр республиканың барлык мәктәпләрендә “Парламент, җәмгыять һәм мин” дигән парламент дәресе узачак.  Укытучылар Дәүләт Советы депутатлары, РФ Федераль Собраниесе Дәүләт Думасының Татарстаннан сайлап куелган депутатлары, муниципаль берәмлекләр депутатлары белән берлектә мәктәп укучыларына республика хакимиятенең закон чыгару (вәкиллекле) органының тоткан урыны һәм бурычлары, иҗтимагый-сәяси тормышта катнашу ысул-кораллары турында, тормышыбызда Законның нинди зур әһәмияткә ия булуы хакында аңлатачак.

Татарстан Республикасы Дәүләт Советының, Мәгариф һәм фән министрлыгының һәм Мәгарифне үстерү институтының уртак проекты булган Парламент дәресе 2009 елдан башлап уңышлы үткәрелеп килә. Быел ул унберенче тапкыр була.

2018 елның 20 октябреннән башлап парламент дәресе кысаларында иҗади эшләр бәйгеләре дә башлана:

  1. “Граждан булырга өйрәнәм” балалар рәсемнәре бәйгесе (1 – 4 сыйныфлар укучылары өчен).
  2. 5 – 7 һәм 7 – 9 сыйныфлар укучылары арасында иншалар бәйгесе.
  3. 10 – 11 сыйныфлар укучылары өчен эссе бәйгесе.
  4. Видеороликлар бәйгесе.
  5. “Законнарны бергә язабыз” мәктәп проектлары бәйгесе.
  6. Мәктәп парламентлары (мәктәп думалары) өчен “Мәктәп парламенты – лидерлык территориясе” укучылар үзидарәсе буенча мәктәп проектлары бәйгесе.
  7. Парламент дәресен уздыру буенча методик тәкъдимнәр бәйгесе (укытучылар өчен).

Һәр бәйгене уздыру турында нигезләмәләр Татарстан Республикасы Мәгариф һәм фән министрлыгы боерыгы белән расланган.

Узган елда бәйгеләрнең республика этабында республиканың гомуми белем бирү учреждениеләренең беренче сыйныфтан алып унберенче сыйныфларында белем алучы 353 укучы катнашкан иде. Мөгаллимнәрдән 44 методик тәкъдим кертелгән иде.

 Быел тәүге тапкыр мәктәп парламентлары лидерлары өчен махсус номинация өстәлде, анда катнашучыларга үз проектларын республика дәрәҗәсендә тәкъдим итү мөмкинлеге бирелә (бәйгенең килеп яклау этабы).

 Бәйгеләргә йомгак быелның декабрь аенда ясалачак. Һәркемне парламент дәресендә актив катнашырга чакырабыз. Бәйгеләрдә җиңүчеләрне Дәүләт Советында көтеп калабыз!

 

Документлар



Приказ Министерства образования и науки Республики Татарстан от 25 сентября 2018 года № под-1405/18 "О проведении республиканских конкурсов в рамках Парламентского урока - 2018"

Распоряжение Председателя Государственного Совета Республики Татарстан от 5 октября 2018 года № 384-РП "Об организации и проведении парламентского урока в 2018 году"

 

Материаллар

Презентация "Государственный Совет Республики Татарстан V созыва"

Яңалыклар

 ---