Икътисад, инвестицияләр һәм эшкуарлык комитеты

Комитет закон проекты эшен башкара, Татарстан Республикасы Дәүләт Советы карамагындагы мәсьәләләрне алдан карый һәм әзерли, Татарстан Республикасы законнарының һәм Татарстан Республикасы Дәүләт Советы норматив хокукый актларының үтәлешен һәм башкарылышын түбәндәге төп юнәлешләр буенча тикшереп тора:

1) Татарстан Республикасының икътисадый сәясәте һәм үсеш стратегиясе, Татарстан Республикасының социаль-икътисадый үсеш программалары;
2) Татарстан Республикасында сәнәгать сәясәте;
3) республика милке белән идарә итү һәм эш итү тәртибе, мөлкәти мөнәсәбәтләр өлкәсендә дәүләт сәясәте;
4) инвестиция һәм инновация эшчәнлеге;
5) эшкуарлыкны үстерү;
6) ягулык-энергетика комплексы;
7) торак-коммуналь комплекс;
8) сәнәгать, төзелеш, транспорт, юл комплексы, шәһәр төзелеше, элемтә, мәгълүматлаштыру;
9) энергияне сак тоту;
10) чираттагы финанс елына һәм план чорына Татарстан Республикасы бюджетының төп характеристикаларын һәм Татарстан Республикасының социаль-икътисадый үсеш фаразын карау;
11) тариф сәясәте һәм бәяләр кую;
12) комитет каравына кертелгән башка мәсьәләләр.