Экология, табигатьтән файдалану, агросәнәгать һәм азык-төлек сәясәте комитеты

Комитет закон проекты эшен башкара, Татарстан Республикасы Дәүләт Советы карамагындагы мәсьәләләрне алдан карый һәм әзерли, Татарстан Республикасы законнарының һәм Татарстан Республикасы Дәүләт Советы норматив хокукый актларының үтәлешен һәм башкарылышын түбәндәге төп юнәлешләр буенча тикшереп тора:

1) табигать ресурслары һәм табигатьтән файдалану, шул исәптән җир асты байлыкларыннан файдалану, урманнан файдалану һәм урманнарны торгызу, судан файдалану;
2) җир турында законнар;
3) әйләнә-тирә мохитне саклау, шул исәптән су ресурсларын, җир асты байлыкларын, туфракны, урманнарны, атмосфера һавасын, хайваннар һәм үсемлекләр дөньясын саклау; махсус сакланылучы табигать территорияләре;
4) халыкның санитария-эпидемиология иминлеге;
5) халыкны һәм территорияләрне табигый һәм техноген характердагы гадәттән тыш хәлләрдән яклау;
6) экологик экспертиза;
7) аучылык һәм аучылык хуҗалыклары, балыкчылык хуҗалыклары;
8) җитештерү һәм куллану калдыклары;
9) халыкка экологик белем һәм тәрбия бирү;
10) бакчачылык, яшелчәчелек һәм гражданнарның коммерциягә карамаган дача берләшмәләре;
11) агросәнәгать комплексы;
12) ветеринария эше;
13) комитет каравына кертелгән башка мәсьәләләр.