төп бит | сайтның картасы | rss           рус | тат

Бүген 28 март 2024
Татарстан Республикасы бюджеты үтәлешенә дәүләт контролен гамәлгә ашыру өчен Дәүләт Советы Татарстан Республикасы Хисап пала-тасын төзи, аның составы, эшчәнлек тәртибе һәм вәкаләтләре закон белән...

Татарстан Республикасы Конституциясенең 87 статьясы
Матбугат хезмәте
Ян-яктагы барлык юллар тутырылырга тиеш
Медиа-материаллар
Вакыйгалар фотогалереясе
10 апрель 2010
Татарстан Республикасы Дәүләт Советы бинасының фотографияләре
Барлык вакыйгалар
Депутатлар корпусы
Сотрудничество

Дәүләт Советының яңалыклары



Вакыйга турында фото
















Фәрит Мөхәммәтшин: “ТатНИПИнефть” – республика нефтьчеләренең фикер үзәге”

18 август 2016, 18:14

Фәрит Мөхәммәтшин: “ТатНИПИнефть” – республика нефтьчеләренең фикер үзәге”
Бүген Бөгелмәдә Татарстан Республикасы Дәүләт Советы Рәисе Фәрит Мөхәммәтшин Президент Рөстәм Миңнеханов исеменнән “ТатНИПИнефть” коллективын предприятиенең оешуына 60 ел тулуы белән котлады.

Дәүләт Советы Рәисе институтны “республика нефтьчеләренең фикер үзәге” дип атады. «Сезне республика нефтьчеләренең фикер үзәге оешуына һәм эшчәнлек алып баруына 60 ел тулуы белән котлыйм! «ТатНИПИнефть» – ул безнең нефть мәйданнарын акыллы файдаланып, зур күләмдә нефть табарга мөмкинлек бирә торган фән һәм практика синтезы », – дип билгеләп үтте Фәрит Мөхәммәтшин.

Аның сүзләренчә, «ТатНИПИнефть» башта ук Татарстан һәм Советлар Союзының, хәзер инде Россия Федерациясенең кайбер төбәкләренең нефть сәнәгате мөмкинлекләрен билгеләгән. «Сез һәрвакыт югарыда булдыгыз. Юкка гына Россия төбәкләре һәм чит илләрдәге сәнәгатендә институт галимнәренең хезмәтләре чагылыш табуы юкка гына түгел», – дип билгеләп үтте Мөхәммәтшин.

Дәүләт Советы институт галимнәре проектлары ярдәмендә 2 миллиардтан артык тонна нефть табылуын, 2600 ачыш ясалуын, чит ил дәүләтләренең 73 патенты алынуын, 83 фәнни хезмәтләр тупланмасы басылуын билгеләп үтте. Аннары Фәрит Мөхәммәтшин дәүләт бүләкләрен тапшырды. «ТатНИПИнефть» коллективы Татарстан Республикасы Президентының Рәхмәт хаты белән бүләкләнде. Бораулау бүлеге төп фәнни хезмәткәре Габдерәшит Абдрахмановка “Тырыш хезмәт өчен” медале бирелде. Башка бүләкләр дә тапшырылды.

Тантаналы чарада Россия Федерациясенең запаслар буенча Дәүләт комиссиясе директоры, Берләшкән милләтләр оешмасының тотрыклы энергетика буенча Комиссиясенең беренче урынбасары Игорь Шпуров та катнашты. «Сезнең җентекләп өйрәнелгән җирегездә – мөгаен, андый хәл бөтен илдә юктыр – ел саен нефть табуны арттыра барасыз, бу үзе бер сәнгать. Без бүген Татарстанда нефть табуны 30 миллион тоннага кадәр арттыру турында сүз алып барабыз. Бу зур бурычны сездән башка хәл итеп булмый», – дип мөрәҗәгать итте ул институт коллективына. Ул нефть һәм газга озак вакытлар җитди алмаш булмаячагын да әйтте.

“Татнефть” акционерлык җәмгыяте генераль директоры Наиль Маганов фәнни казанышларның сәнәгать мөмкинлекләре белән үрелеп баруы «ТатНИПИнефть»нең визит карточкасы дип белдерде. «Еллар үткән саен институт үзенең фәнни-тикшеренү һәм проект-ачыш базасын ныгытып кына барып, чыганакларны эшкәртү буенча үзенчәлекле тәҗрибә туплады. Бу безгә җиңел нефть табу кимү чорын коралланып каршы алырга мөмкинлек бирде», – диде ул.

Хезмәт ветераннары үзләренең истәлекләре белән уртаклашты.

Татар фәнни-тикшеренү һәм проект институты («ТатНИПИнефть») гамави акционерлык җәмгыяте 1956 елда нефть табуга фәнни яктан терәк күрсәтү максатыннан оештырылган. Бүген ул скважиналарны ясау, ремонт, куллану, шулай ук нефть ятмаларын эзләү һәм куллану өлкәсендә проектлар төзү буенча илнең алдынгы институтларының берсе.

Дәүләт Советы матбугат хезмәте



Кирегә


Депутат мөнбәре
ҺАДИЕВ Таһир Галимҗан улы
ҺАДИЕВ Таһир Галимҗан улы
Экология, табигатьтән файдалану, агросәнәгать һәм азык-төлек сәясәте комитетының бишенче чакырылыш ТР Дәүләт Советында эшчәнлеге
"Татарстан" радиосының "Депутат каналы" 21 май, 2019 ел
Сылтамалар
Вакыйгалар календаре
дүшсишчәрпәнҗҗомшимякш
26
27
28
29
01
02
03
04
05
06
07
08
09
10
11
12
13
14
15
16
17
18
19
20
21
22
23
24
25
26
27
28
29
30
31
Сайттагы яңалык
24 октябрь 2019
24 октябрь 2019
24 октябрь 2019
24 октябрь 2019
24 октябрь 2019
Яңалыкларга язылу
Сайтта сораштыру
Сезнеңчә яңа сайтта нәрсә җитешми?
интерактивлык, кире элемтә
рәсми документлар
фото һәм видео материаллар
җавап бирергә кыенсынам
Сылтамалар
Портал муниципальных образований Республики Татарстан
 Татарстан Республикасы Дәүләт Советының рәсми сайты, 2008 - 2016 еллар.
Сайтның администраторы
Материаллардан файдаланганда чыганакка сылтама ясау мәҗбүри.