Көн кадагында - импортны алыштыру производстволарын булдыру
21 октябрь 2016, 16:34
Саратовта ТР Дәүләт Советы Рәисе, Идел буе федераль округына керүче РФ субъектларының дәүләт хакимияте законнар чыгару (вәкиллекле) органнары ассоциациясе координаторы Фәрит Мөхәммәтшин округ төбәкләрендә икътисадның реаль секторын һәм импортны алыштыру өлкәсен үстерүгә юнәлдерелгән чараларны тормышка ашыру мәсьәләсе буенча РФ Президентының Идел буе федераль округындагы Вәкаләтле вәкиле советы утырышында катнаша.
Утырышны РФ Идел буе федераль округындагы Вәкаләтле вәкиле Михаил Бабич үткәрө. Округ советы утырышында ТР Премьер-министры Илдар Халиков катнаша. Саратов өлкәсе губернаторы матбугат хезмәтеннән хәбәр ителгәнчә, утырышка кадәр чарада катнашучылар импортны алыштыручы продукция күргәзмәсе белән танышкан. Анда округ предприятиеләре, шул исәптән Татарстан вәкилләре дә үзләренең экспозициясен тәкъдим иткән.
Утырышта катнашучылар эчке базардан чит илләр товарларын кысрыклау гына түгел, бәлки көндәшлеккә сәләтле импортны алыштыру производстволарын булдыруны да мөһим бурыч сыйфатында билгеләгән.
Дәүләт Советы матбугат хезмәте
|
