Фәрит Мөхәммәтшин Иранның Казандагы Генераль консуллыгы җитәкчесе вазыйфаларын башкаручы Алибеман Әгбали Зарч белән очрашты
18 гыйнвар 2017, 15:00
Бүген Татарстан Республикасы Дәүләт Советы Рәисе Фәрит Мөхәммәтшин Иранның Казандагы Генераль консуллыгы җитәкчесе вазыйфаларын башкаручы Алибеман Әгбали Зарч белән очрашты.
Дипломатны каршылап, Татарстан парламенты башлыгы барыннан да элек республикаларның күпьеллык багланышларын, бигрәк тә нефть өлкәсендә, билгеләп үтте.
Алибеман Әгбали Зарч үз чиратында Татарстан һәм Иранның тыгыз хезмәттәшлеге Россия–Иран багланышлары кысаларында дәвам итәчәгенә ныклы ышаныч белдерде.
Яклар шулай ук Татарстан югары уку йортларында Иран студентлары санын арттыру мөмкинлеге турында фикер алыштылар. Эгбали Зарч әфәнде сүзләренчә, Иран Республикасы өчен югары белем алу бик актуаль, чөнки аның халкының яртысыннан артык өлеше 35 яшьтән кече кешеләр. Фәрит Мөхәммәтшин шулай ук әлеге юнәлешне перспективалы, дип билгеләде.
Дәүләт Советы матбугат хезмәте
Рамил Гали фотолары
|
