Фәрит Мөхәммәтшин Феофанны III дәрәҗә “Ватан алдындагы казанышлары өчен” Орденына ия булуы белән котлады
23 май 2017, 17:39
Дәүләт Советы Рәисе Фәрит Мөхәммәтшин Казан һәм Татарстан митрополиты Феофанны III дәрәҗә “Ватан алдындагы казанышлары өчен” Орденына ия булуы белән котлады.
“III дәрәҗә “Ватан алдындагы казанышлары өчен” Ордены белән бүләкләнүегез уңаеннан Сезне ихлас күңелдән котлыйм! Әлеге дәүләт бүләге – җәмгыятьтәге милләт һәм динара тынычлыкны ныгытуга керткән өлешегез һәм эшчәнлегегезгә лаеклы бәя”, – диелә парламент башлыгы җибәргән котлау телеграммасында.
Фәрит Мөхәммәтшин Феофанга нык сәламәтлек һәм изге эшләрендә зурдан-зур уңышлар теләде.
Дәүләт Советы матбугат хезмәте
| 