Дәүләт Советының яңалыклары

Вакыйга турында фото













Фәрит Мөхәммәтшин Венгриянең Казандагы яңа генераль илчесе Адам Штифтерны кабул итте

10 октябрь 2017, 12:09

Фәрит Мөхәммәтшин Венгриянең Казандагы яңа генераль илчесе Адам Штифтерны кабул итте
Бүген Дәүләт Советы Рәисе Фәрит Мөхәммәтшин Венгриянең Казандагы яңа генераль илчесе Адам Штифтер әфәнде белән очрашты. Очрашу Фәрит Мөхәммәтшинның Дәүләт Советындагы эш бүлмәсендә узды. Яклар Россия-Венгрия арасындагы үзара мөнәсәбәтләр кысаларында хезмәттәшлек мөмкинлекләре буенча фикер алышты.

Дәүләт Советы Рәисе билгеләп үткәнчә, Татарстан белән Венгриянең хезмәттәшлек перспективалары зурдан. Аерым алганда, энергетика, туризм өлкәсендәге мәсьәләләргә кагылып үтелде.

“Туристлар ташкынын җайга салу өчен турыдан-туры самолет рейсларын булдыру мәсьәләсен хәл итәргә кирәк. Бу мәсьәләнең чишелешен табу ике илнең эшмәкәрләре өчен дә бик кулай булачак”, – дип басым ясап әйтте республика парламенты башлыгы.

Дәүләт Советы матбугат хезмәте
Андрей Данилов фотолары