Дәүләт Советының 33 утырышы эшендә тәнәфес игълан ителде
08 ноябрь 2017, 13:00
Бишенче чакырылыш республика парламентының 33 нче утырышында тәнәфес игълан ителде. Татарстан Республикасы дәүләт телләрен һәм Татарстанда яшәүче халыкларның туган телләрен укыту мәсьәләсенә нокта куелмады.
Дәүләт Советы Рәисе Фәрит Мөхәммәтшин бу нисбәттән профиль комитетның федераль үзәк белән килештерү процедурасы тәмамланганчы утырыш эшендә тәнәфес игълан итү турындагы тәкъдимен хуплады, фикер алышуларны башламый торырга чакырды. "Әлеге сорауны көн тәртибендә калдырган хәлдә 33 нче утырыш эшендә тәнәфес игълан итеп торыйк, сессияне дәвам итү турында хәбәр ителер", - диде ул.
Дәүләт Советы матбугат хезмәте, Андрей Данилов фотолары
|
