"Бердәм Россия" партиясе җитәкчелеге иҗтимагый киңлекләрне төзекләндерү буенча Татарстанның эш йомгакларын бәяләде
22 декабрь
2017, 13:41
“Бердәм Россия” партиясенең Татарстандагы төбәк бүлеге бүген партиянең XVII съездында катнашты. Делегациягә Дәүләт Советы Рәисе, “Бердәм Россия”нең Татарстандагы төбәк бүлеге Секретаре Фәрит Мөхәммәтшин җитәкчелек итә. Партия җитәкчелеге иҗтимагый киңлекләрне (парк-скверлар һ.б.) төзекләндерү буенча Татарстанның партия проектлары буенча эш йомгакларын бәяләде.
Фәрит Мөхәммәтшин бу юнәлешне шәһәр мохитен яхшыртуны иң кирәкле программалардан берсе буларак бәяләде. “Бүлеп бирелгән акча шундук бик нәтиҗәле үзләштерелә, кешеләр проектны тормышка ашыруда катнашуларын бөтен барлыгы белән сизә. Федераль дәрәҗәдә проектның иҗтимагый советы эшенә партиянең Югары Советы әгъзасы, Татарстан Президенты Рөстәм Миңнехановның җитәкчелек итүе мөһим”, – дип билгеләп үтте ул.
Партиянең Татарстандагы төбәк бүлеге Секретаре алга таба да төп юнәлешләр буенча партия проектларының тормышка ашырылачагын искәртте. Бүген республикада 23 федераль партия проектының гамәлгә ашырылып килүен искә төшерик.
“Ватаным Татарстан” газетасы язмасы буенча
| 
