Яшь парламентарийлар Татарстанда экология хәрәкәте буенча концепцияне хуплады
15 май 2018, 18:43
Бүген Дәүләт Советында Иҗтимагый яшьләр палатасының XII утырышы узды. Чарада Дәүләт Советы Рәисе урынбасары Римма Ратникова, ТР Премьер-министры киңәшчесе Андрей Кондратьев, парламент комитетлары рәисләре, министрлык һәм ведомствлардан вәкилләр катнашты.
Иң элек яшь парламентарийлар Татарстаның 2021 елга кадәр экологик хәрәкәт буенча концепциясен карадылар. Экология һәм табигый байлыклар министрының беренче урынбасары Рөстем Камалов үз чыгышында өч ел эчендә республикада яшәүчеләре арасында экологик тәрбия һәм аңлату эшләренең активлашуын билгеләп үтте һәм моны табигатьне саклау эшчәнлегендә уңай күренеш дип бәяләде.
Докладчы сүзләренә караганда, республикада яшьләр табигатьне саклау эшчәнлегенә эзлекле рәвештә җәләп ителә. Гомуми белем бирү учреждениеләрендә 217 мең балага экологик тәрбия бирелә, өстәмә белем бирү системасында исә 5 экологик үзәк эшли. Мәктәпкәчә белем бирү учреждениеләрендә социаль-экологик акцияләр уздырыла, кайбер гомуми белем бирү учреждениеләрендә уку-укыту планына "экология" дәресе кертелгән, экология сыйныфлары оештырыла һәм түгәрәкләр үткәрелә, төрле факультатив дәресләр дә уздырыла. Татарстанда өлкән кешеләр да экологик иреклеләр хәрәкәтенә тартылган: 2017 нче елда республикада яшәүчеләрнең яртысы агач утырту чарасында һәм башка экология акцияләрендә катнашты.
Рөстем Камалов чарада катнашучыларга Татарстаның 2021 елга кадәр экология хәрәкәте буенча концепциясен тәкъдим итте. Аның әйтүенчә, алдагы концепциядә 31 пункт булган һәм муниципаль районнар, министрлык һәм ведомстволар алдына куелган барлык бурычлар да үтәлгән.
Концепцияне гамәлгә ашыру бердәм координацион экологик юнәлешле гражданлык җәмгыяте институтлары һәм учреждениеләре белән хезмәттәшлек итү үзәген булдыруны күз алдында тота. Алар бергәләп экологик тәрбиянең дәрәҗәсен арттыру, әйләнә-тирә мохитне һәм табигый байлыкларны саклау мәсьәләләре өстендә эшләчәкләр. Бу эшкә яшьләрнең, студентларның экологик отрядларын җәлеп итәргә ниятлиләр.
Икътисад министры урынбасары Олег Пелевин Татарстанда 2019-2020 елларда яшь эшмәкәрләргә өстәмә ярдәм итү чаралар турында чыгыш ясады. Аның сүзләренә караганда республикада 15 яшьтән 25 яшькәчә эш көчендәге кешеләр саны 9% тәшкил итә. Кече һәм урта эшкуарлык оешмалары бизнеска күбрәк яшьләрне җәлеп итәргә тырышалар. Әлеге максатка ирешү өчен төрле форумнар, эш башлаучы эшкуарлар өчен мәктәпләр оештырыла. Чараларның иң нәтиҗәле - "Бизнес-курс Google", анда бүгенге көндә 30 меңнән артык кеше укый.
Утырыш барышында эшче төркем формалаштылар. Ул яшь бизнесменнарга өстәмә ярдәм итү чаралары белән шөгыльләнәчәк.
Моннан тыш, ТР Президенты каршындагы Эшмәкәрлек советы координаторы Айрат Сөнгатуллин яшь эшкуарлыкның үстерү векторын билгеләде. "Безнең фикеребезчә, яшь эшкуарларга ярдәм итәргә кирәк, бу яшьләр арасында эшсезлек дәрәҗәсен киметәчәк, алар үзләре дә үзгәрешләргә әзер", - диде ул.
Моның өчен мәктәп бизнес-компанияләрен, студентларның бизнес-инкубаторларын үстерергә кирәк, шул очракта студентлар үз проектларын гамәлгә ашыру мөмкинлеген алачаклар. Казан дәүләт энергетик университетының бизнес-инкубаторы тора мона ачык мисал булып тора.
Авыл эшкуарларына аерым игътибар кирәк. Авыл яшьләренең бизнес нигезләрен белмәүләре төп мәсьәлә булып кала .
ТР Яшьләр эшләре һәм спорт министры урынбасары вазыйфаларын башкаручы Владислав Усанов 2018 елның төбәк һәм федераль яшьләр форумнарына теркәләү башланды дип белдерде. Яшьләр иҗтимагый палатасы әгъзаларына бу чараларда актив катнашырга тәкъдим ителде һәм шулай ук бөтен республика активистларын җәлеп итү бурыч куелды.
Утырыш барышында яшь парламентарийлар берничә федераль закон проектлары турында фикер алыштылар, оештыру мәсьәләләрен карадылар.
Соңыннан ТР Дәүләт Советы Рәисе урынбасары Римма Ратникова яшь парламентарийларның һәнәри осталыклары артуын билгеләп үтте, шул ук вакытта утырышларга әзерлекне арттыру кирәклегенә басым ясады.
30 майда Татарстанның барлык муниципаль оешмаларыннан яшь парламентарийлар Дәүләт Советында яшь закон чыгаручыларның беренче форумына җыелачак.
Алинә Сысоева, Андрей Данилов фотолары
| 
