Фәрит Мөхәммәтшин парламент тапшырулары авторларына интервью бирде
20 сентябрь 2018, 17:12
Бүген Дәүләт Советы Рәисе Фәрит Мөхәммәтшин «Закон. Парламент. Общество», «Канун. Парламент. Җәмгыять» («Яңа гасыр» ТРК) һәм «Парламентские вести» («Татарстан» ДТРК) программалары алып баручыларына яңа парламент сезонында каралачак әһәмиятле закон проектлары турында сөйләде. Парламентның көзге сессиясе 24 сентябрьдә ачыла. Кырыгынчы утырыш каравына Татарстан Президенты Рөстәм Миңнехановның ТР Дәүләт Советына республиканың эчке һәм тышкы хәле турында еллык юлламасы кертелә.
Журналистлар белән аралашу вакытында Фәрит Мөхәммәтшин Президентның узган елгы юлламасында яңгыраган аерым фикерләрнең республика законнарында чагылыш табуы, пенсия реформасына кагылышлы федераль закон хакында Татарстан Дәүләт Советы депутатлары фикерләре, яңа сезонда парламент алдында торган мәсьәләләр хакында сөйләде.
Дәүләт Советы Рәисе белән интервьюны "Яңа гасыр" каналында шимбә көнне 13.00 сәгатьтә «Канун. Парламент. Җәмгыять» тапшыруында, якшәмбе көнне 12.30 да «Закон. Парламент. Общество», «Татарстан» каналында якшәмбе көнне 11.20 сәгатьтә «Парламентские вести»тапшыруында карарга мөмкин.
Дәүләт Советы матбугат хезмәте, Андрей Данилов фотолары
|
