Татарстан мәктәпләрендә волейболны үстерәчәкләр
25 сентябрь 2018, 19:20
Дәүләт Советы Рәисе, ТР Волейбол федерациясе президенты Фәрит Мөхәммәтшин сәнәгать предприятиеләре һәм авыл районнары арасында Волейбол федерациясенең V Президент кубогына финал уеннарын ачу тантанасында катнашты.
Арчада уздырылган киң колачлы әлеге спорт чарасы Кубокка берничә тапкыр ия булган Саба районы һәм турнир хуҗалары – Арча районы волейболчылары уеныннан башланып китте. Тантана тәмамланганнан соң парламент башлыгы журналистларга Мәктәп волейбол лигасын үткәрү турында карар кабул ителүен җиткерде.
“Волейбол – спортның иң акыллы һәм иң зыялы төрләреннән берсе, – дип басым ясап әйтте ТР Волейбол федерациясе президенты. – Ярышларыбызда катнашырга теләүчеләрнең саны елдан-ел күбәюгә сөенәбез”.
Дәүләт Советы матбугат хезмәте, Андрей Данилов фотолары
| 
