төп бит | сайтның картасы | rss           рус | тат

Бүген 29 март 2024
Татарстан Республикасы Дәүләт Советы 100 депутаттан тора. Дәүләт Советы депутатлары, әлеге статьяның икенче өлешендә билгеләнгән очрактан тыш, депутат эшчәнлеген төп эшчәнлекләреннән аерылмыйча...

Татарстан Республикасы Конституциясенең 68 һәм 70 статьясы
Матбугат хезмәте
Ян-яктагы барлык юллар тутырылырга тиеш
Медиа-материаллар
Вакыйгалар фотогалереясе
14 апрель 2010
Липужина Валентина Николаевна
Барлык вакыйгалар
Депутатлар корпусы
Сотрудничество

Дәүләт Советының яңалыклары



Вакыйга турында фото














Парламент дәресендә граждан булырга өйрәтәләр

11 октябрь 2018, 17:45

Парламент дәресендә граждан булырга өйрәтәләр
"Парламент дәресләре республикада матур бер традициягә әйләнде, 11 ел дәвамында ул тулы бер цикл узып, беренче сыйыфтан башлап унберенче сыйныфкача укучыларны үз эченә алды. Безнең укучылар әлеге дәресләр белән бергә үстеләр", - дип башлады сүзен Дәүләт Советы Рәисе Фәрит Мөхәммәтшин республиканың барлык шәһәр-районнарыннан килгән йөзгә якын тарих, хокук һәм җәмгыять белеме укытучысы белән очрашуда.

“Без бик мөһим эш алып барабыз, парламент дәресләре мәктәп укучыларына җәмгыятьтә үз юлларын табарга һәм шәхес булырга ярдәм итә. Әлеге проект Дәүләт Советы депутатлары һәм укытучылар ярдәмендә башкарыла. Бездән башка бу проектны кем башкарып чыга ала һәм нәрсә өчен без аны эшлибез? Иң беренче чиратта, дәресләр законнарны белү, актив тормыш алып бару, сәләтле яшьләрне табу, уңышлы проектлар булдыру өчен кирәк. Бу законнар кайда туа, ничек итеп дөньяга таныла, закон ничек эшли һәм ул кемгә кирәк? Барлык сорауларга да җавапны парламент дәресләрендә белә алабыз. Икенчедән, республика тарихы, аның танылган шәхесләрен белү өчен мөһим ул. Бүгенге заман актив яшьләрнең дәүләт эшләрендә катнашуын таләп итә. Алар үзләренең хокукларын, мөмкинлекләрен белергә тиеш. Хәзер бик күп яшьләр вакытны бушка, социаль челтәрдә утырып уздыра. Шул рәвешле алар үз юлларын таба алмый йөри”, - диде Фәрит Мөхәммәтшин.

ТР Дәүләт Советы Рәисе фикеренчә, дәүләт проектлары хәзердән үк үзенең мул нәтиҗәсен бирә. Ул мисал өчен “Законнарны бергә язабыз” проектын атады. “Әлеге проект турында озак уйладык, аны башлау алдыннан икеләнеп тордык. Мондый проекттан соң Дәүләт Советына кәгазьләр җибәрерләр, тикшерүләр белән килерләр дип уйладык. Аннан соң “Монысы юк, тегесе юк. Минем өйдән су ага. Юллар салыгыз” кебек фикерләр булыр дип көттек. Дөнья булгач, һәркемнең катлаулы мәсьәләләре бар. Ләкин шушы проект аша һәркемнең үз фикерләрен әйтергә мөмкинлеге булды. Республикада яшәүче һәркем Дәүләт Советының рәсми сайты, парламентның Фейсбуктагы рәсми аккаунты, “Ватаным Татарстан”га язарга, яки сайлау округында үзенең депутаты аша законнарны камилләштерү турында үзләренең тәкъдимнәрен җиткерә, кызыксындырган сорауларны бирә алды. Шул рәвешле без яшьләрне дә кызыксындырабыз, алар да актив эшчәнлек яклы була. Бу проект мөһим мәгънәгә ия, иң беренче чиратта аны укытучылар һәм чыгарылыш сыйныф укучылары хуплады. Безнең максат үзебез өчен генә яшәү түгел, ил һәм җәмгыять өчен дә яшәү”, - дип әйтте ул. 

Чарада Фәрит Мөхәммәтшин укытучыларга да рәхмәт сүзләрен ирештерде. “Укытучылар укучыларны олы тормышка әзерли һәм киләчәк буыннан яхшы кешеләр тәрбияли. Аларга зур рәхмәт. Россиянең башка төбәкләрендә булырга туры килде, барлык җирдә дә укытучылар актив эшчәнлек алып бара. Совет заманында шулай булды, укытучылар һәрвакыт алгы сафларда барды. Алар - иң укымышлы, әзерлекле, тырыш кешеләр. Без хәзер үзгәрүчән заманда яшибез, ләкин укытучының абруе һәм җәмгыяттә роле үзгәрми. Киләчәктә дә шулай булыр дип ышанам. Тагын кемгә таянырга була? Бары тик укытучыга гына, сездән башка булмый. Сайлаулар, җыелышлар һәм дәүләт тормышы өчен укытучы кирәк. Бездән соң нинди буын киләчәк? Безнең урынга алмаш табылырмы? Безне борчыган төп мәсьәләләрнең берсе шул. Укытучылар балаларыбызга белем биреп кенә калмый, тәрбия эшләре белән дә шөгыльләнә", - диде.

16-20 октябрьдә Татарстанның барлык мәктәпләрендә унберенче тапкыр Парламент дәресе узачак. Быелгы Парламент дәресенең темасы - “Парламент, җәмгыять һәм мин”.  Бу хакта Дәүләт Советы Рәисе урынбасары Римма Ратникова хәбәр итте.

“Укытучылар Дәүләт Советы депутатлары, муниципаль берәмлекләр депутатлары белән берлектә мәктәп укучыларына республика хакимиятенең закон чыгару (вәкиллекле) органының тоткан урыны һәм бурычлары, иҗтимагый-сәяси тормышта актив катнашу турында, тормышыбызда Законның нинди зур әһәмияткә ия булуы хакында аңлатачак. Татарстан Республикасы Дәүләт Советының, Мәгариф һәм фән министрлыгының һәм Мәгарифне үстерү институтының уртак проекты булган "Парламент дәресе" 2009 елдан башлап уңышлы гына үткәрелеп килә. Быел ул унберенче тапкыр була. 16-20 октябрь аралыгында узачак”, - диде ул.

Татарстан Дәүләт Советы Рәисе урынбасары укытучыларга үзенең рәхмәт сүзләрен җиткерде. “Парламент дәресләрен укытучыларның ярдәменнән башка оештыра алмас идек, шуңа күрә, иң беренче чиратта, аларга рәхмәт. Мондый зур проектны тормышка ашыруда сезнең хезмәтегез зур”, - диде ул үзенең чыгышында.

Оештыручылар хәбәр итүенчә, 20 октябрьдән парламент дәресе кысаларында иҗади эшләр бәйгеләре дә башлана. Бәйгеләрне уздыру турында нигезләмәләр Татарстан Республикасы Мәгариф һәм фән министрлыгы боерыгы белән расланган. Бәйгеләргә йомгак быелның декабрь аенда ясалачак.

"Татар-информ" МА язмасы буенча, Андрей Данилов фотолары 

 

 

 

 

 



Кирегә


Депутат мөнбәре
ҺАДИЕВ Таһир Галимҗан улы
ҺАДИЕВ Таһир Галимҗан улы
Экология, табигатьтән файдалану, агросәнәгать һәм азык-төлек сәясәте комитетының бишенче чакырылыш ТР Дәүләт Советында эшчәнлеге
"Татарстан" радиосының "Депутат каналы" 21 май, 2019 ел
Сылтамалар
Вакыйгалар календаре
дүшсишчәрпәнҗҗомшимякш
26
27
28
29
01
02
03
04
05
06
07
08
09
10
11
12
13
14
15
16
17
18
19
20
21
22
23
24
25
26
27
28
29
30
31
Сайттагы яңалык
24 октябрь 2019
24 октябрь 2019
24 октябрь 2019
24 октябрь 2019
24 октябрь 2019
Яңалыкларга язылу
Сайтта сораштыру
Сезнеңчә яңа сайтта нәрсә җитешми?
интерактивлык, кире элемтә
рәсми документлар
фото һәм видео материаллар
җавап бирергә кыенсынам
Сылтамалар
Портал муниципальных образований Республики Татарстан
 Татарстан Республикасы Дәүләт Советының рәсми сайты, 2008 - 2016 еллар.
Сайтның администраторы
Материаллардан файдаланганда чыганакка сылтама ясау мәҗбүри.