Фәрит Мөхәммәтшин Сәкинә Шәймиева вафат булу уңаеннан кайгы уртаклашты
16 ноябрь 2018, 12:06
Дәүләт Советы Рәисе Фәрит Мөхәммәтшин, депутатлар һәм шәхсән үз исеменнән, хатыны Сәкинә Шәймиева вафат булу уңаеннан Татарстанның Дәүләт киңәшчесе Минтимер Шәймиевнең кайгысын уртаклашты.
«Сезнең иң якын һәм кадерле кешегез, тугры дустыгыз һәм фикердәшегез булган Сәкинә Шакир кызының вафат булуы – тирән хәсрәт, зур югалту. Киткәннәр безнең хәтердә яши. Сәкинә Шакир кызы аны белгән һәм яраткан кешеләр күңелендә мәрхәмәтле, ярдәмчел, көчле рухлы ханым булып мәңгелеккә кала. Сезгә һәм якыннарыгызга бу кайгылы мизгелләрдә сабырлык телим", - диелә Минтимер Шәймиевкә юлланган телеграммада.
|
