Җәмәгать судьялары сайланды
22 апрель 2019, 11:20
Бишенче чакырылыш Татарстан Республикасы Дәүләт Советы кырык җиденче утырышында җәмәгать судьясы һәм җәмәгать судьясы вазыйфаларын башкаручыны сайлау турында мәсьәлә каралды.
Кандидатларны ТР Югары суды рәисе Илгиз Гыйлаҗев тәкъдим итте.
Тавыш бирү нәтиҗәсендә Татарстан Республикасы җәмәгать судьясы итеп биш елга Чаллы шәһәре суд районы буенча 18 нче суд участогына Сафина Резеда Равил кызы сайланды. Казан шәһәренең Яңа Савин суд районы буенча 1 нче суд участогы җәмәгать судьясы вазыйфаларын башкару 2019 елның 6 декабренә кадәр отставкадагы судья Стасюк Валентина Степановнага йөкләнде.
Дәүләт Советы матбугат хезмәте, Андрей Данилов фотолары
| 
