Фәрит Мөхәммәтшин Валентина Матвиенко белән төбәк законнарын үстерү мәсьәләләре буенча фикер алышты
14 май 2019, 19:07
Бүген Татарстан Дәүләт Советы Рәисе Фәрит Мөхәммәтшин Россия Федерациясе Федераль Җыены Федерация Советы Рәисе Валентина Матвиенко белән очрашты. Алар төбәк законнарын үстерү мәсьәләләре буенча фикер алышты. Шул исәптән Татарстан парламенты җитәкчесе Татарстан Дәүләт Советына сайлауларга әзерлек турында сөйләде.
Фәрит Мөхәммәтшин Татарстан Дәүләт Советына булачак сайлауларны әзерләү буенча башланган эш турында сөйләде. Очрашуда шулай ук Федераль Җыен югары палатасының субъектлар парламентлары белән хезмәттәшлеге призмасы аша төбәк законнарын үстерү һәм агымдагы мәсьәләләр турында сүз барды.
Татарстан Дәүләт Советы Рәисе, Россия Закон чыгаручылар советының Халыкара хезмәттәшлек проблемалары буенча Комиссия Рәисе Фәрит Мөхәммәтшин Мәскәүдә эш сәфәрендә. Ул анда Россия һәм Япония губернаторлары Советы утырышында катнашты.
Дәүләт Советы матбугат хезмәте
| 