төп бит | сайтның картасы | rss           рус | тат

Бүген 29 март 2024
Татарстан Республикасы бюджеты үтәлешенә дәүләт контролен гамәлгә ашыру өчен Дәүләт Советы Татарстан Республикасы Хисап пала-тасын төзи, аның составы, эшчәнлек тәртибе һәм вәкаләтләре закон белән...

Татарстан Республикасы Конституциясенең 87 статьясы
Матбугат хезмәте
Ян-яктагы барлык юллар тутырылырга тиеш
Медиа-материаллар
Вакыйгалар фотогалереясе
14 апрель 2010
Липужина Валентина Николаевна
Барлык вакыйгалар
Депутатлар корпусы
Сотрудничество

Дәүләт Советының яңалыклары



Вакыйга турында фото









Җирле җитештерүчеләрнең товар әйләнеше 2020-2024 елларда артыр дип көтелә

11 октябрь 2019, 15:26

Җирле җитештерүчеләрнең товар әйләнеше 2020-2024 елларда артыр дип көтелә
2020-2024 елларда Татарстанда ваклап сату әйләнеше темпы 101-102,5 процент булыр дип көтелә. Парламентның Экология, табигатьтән файдалану, агросәнәгать һәм азык-төлек сәясәте комитеты утырышында Икътисад министры урынбасары Олег Пелевин шулай дип белдерде.

“Җитештерелгән продукцияне җитештерү генә түгел, сату да кирәк. 2019 ел нәтиҗәләре буенча, товар әйләнеше темплары 101,8 процент тәшкил итәчәк. 2020-2024 елларда берәмле сәүдә әйләнеше темпы 101-102,5 процент күләмендә фаразлана. Ваклап сатуда азык-төлек товарлары өлеше 45 процент тәшкил итә”, - диде Олег Пелевин.

Аның сүзләренә караганда, азык-төлек товарлары буенча берәмле товар әйләнеше республика сәүдә челтәрендә – 12 , федераль сәүдә челтәрләрендә 25 процент тәшкил итә. Җирле эшмәкәрләрнең продукциясенең 63 проценты базарлар, сәүдә нокталары, киоскларда сатыла.

“Соңгы елларда Татарстан Республикасындагы федераль сәүдә челтәрләре җирле җитештерүчеләр белән күбрәк эшли башлады. Җирле җитештерүчеләр продукциясе популяр булу, логистика гадиләшү сәбәбе белән, челтәрләрнең дә кызыксынуы артты”, - ди Олег Пелевин.

Ул ай саен Дәүләт алкоголь инспекциясе төбәк һәм федераль сәүдә челтәрләрендә республика җитештерүчеләре продукциясе ассортиментын күзәтеп торуын әйтте. “Электрон сәүдә дә зуррак урынны били бара. Безнең товар җитештерүчеләрнең яңа базарларга чыгу мөмкинлеге арта”, - диде.

Татарстанда азык-төлек товарлары һәм авыл хуҗалыгы чималы экспорт күләме 2018 елда 162,5млн доллар тәшкил иткән. 2024 елга тармак продукциясе экспортын 360 млн долларга арттыру бурычы тора. Бу хакта парламентның Экология, табигатьтән файдалану, агросәнәгать һәм азык-төлек сәясәте комитеты утырышында икътисад министры урынбасары Олег Пелевин әйтте.

“Бүген экспортта иң күп өлешне терлек һәм үсемлек майлары (25,2 процент) тәшкил итә. Төрле ризык продуктлары - 24,8 процент, бөртеклеләр - 14,2 процент. Тулаем алганда, 2024 елга авыл хуҗалыгы продукциясе экспортын 360 млн долларга арттыру бурычы тора. Май продукциясенә зур өметләр баглана. 2024 елда аның экспорты 260 млн доллар тәшкил итәчәк, яки гомуми күләмнән 70 процент”, - диде ул.

Аның сүзләренчә, әзер туклану продуктлары экспорты 2024 елга 75 млн доллар тәшкил итәчәк, яки экспорт күләменнән 20 процент. “Төп юнәлешләр – югары технологияле предприятиеләрне модернизацияләү, авыл хуҗалыгы чималын, сөт, ашлыкны тирәнтен эшкәртү”, - диде Олег Пелевин.

Ул бүген республикада ит җитештерү ихтыяҗдан 142 процент тәшкил итүен әйтте. Тавык йомыркасы 118 процент, сөт 112 процент, бәрәңге исә ихтыяҗдан 4,2, шикәр 3,2 тапкыр күбрәк җитештерелә. “Авыл хуҗалыгы продукциясе күләмен арттыруга потенциал бар”, - дип саныйлар профиль министрлыкта.

Хәләл индустрия белгечләре әзерләү өчен аерым программа кирәк, диде Олег Пелевин.

"72 предприятиенең хәләл продукция җитештерүгә сертификациясе бар. Бу юнәлешне киңәйтү өчен, хәләл продукция һәм хезмәтләргә бердәм Россия стандартларын кабул итү кирәк. Шулай ук, халыкара стандартлар белән тәңгәллек исәпкә алынырга тиеш. Хәләл продукция һәм хезмәтләр җитештерү һәм гамәлгә ашырылуның рәсми статистикасын алып бару кирәк”, - диде ул.

Ул хәләл продукция һәм хезмәтләр буенча махсуслашкан кече һәм урта бизнес предприятиеләренә ярдәм итү кирәклеген әйтте. “Хәләл продукция җитештерү күләмнәрен арттыру, экспортка озату – өстенлекле юнәлешләрнең берсе. Хәләл индустрия буенча белгечләр әзерләү өчен аерым программа кирәк”, - диде икътисад министры урынбасары.

Бер ел эчендә Татарстанда 68 мең тоннадан артык хәләл продукция җитештерелә. Аның гомуми бәясе 7 миллиард сум күләмендә.

"Татар-инфоорм" МА язмасы буенча

 



Кирегә


Депутат мөнбәре
ҺАДИЕВ Таһир Галимҗан улы
ҺАДИЕВ Таһир Галимҗан улы
Экология, табигатьтән файдалану, агросәнәгать һәм азык-төлек сәясәте комитетының бишенче чакырылыш ТР Дәүләт Советында эшчәнлеге
"Татарстан" радиосының "Депутат каналы" 21 май, 2019 ел
Сылтамалар
Вакыйгалар календаре
дүшсишчәрпәнҗҗомшимякш
26
27
28
29
01
02
03
04
05
06
07
08
09
10
11
12
13
14
15
16
17
18
19
20
21
22
23
24
25
26
27
28
29
30
31
Сайттагы яңалык
24 октябрь 2019
24 октябрь 2019
24 октябрь 2019
24 октябрь 2019
24 октябрь 2019
Яңалыкларга язылу
Сайтта сораштыру
Сезнеңчә яңа сайтта нәрсә җитешми?
интерактивлык, кире элемтә
рәсми документлар
фото һәм видео материаллар
җавап бирергә кыенсынам
Сылтамалар
Портал муниципальных образований Республики Татарстан
 Татарстан Республикасы Дәүләт Советының рәсми сайты, 2008 - 2016 еллар.
Сайтның администраторы
Материаллардан файдаланганда чыганакка сылтама ясау мәҗбүри.