төп бит | сайтның картасы | rss           рус | тат

Бүген 17 ноябрь 2019
Татарстан Республикасы Дәүләт Советы 100 депутаттан тора. Дәүләт Советы депутатлары, әлеге статьяның икенче өлешендә билгеләнгән очрактан тыш, депутат эшчәнлеген төп эшчәнлекләреннән аерылмыйча...

Татарстан Республикасы Конституциясенең 68 һәм 70 статьясы
Матбугат хезмәте
"Канун. Парламент. Җәмгыять." тапшыруы
ТР Дәүләт Советы Рәисе
Сайт Председателя Государственного Совета РТ
Интернет кабул итү
Шушы рәвешчә тутырып, Сез сорауларыгызны бирә аласыз
ФИА ис.
E-mail
Хат тексты
Файл, <3Mb
Введите код с картинки
Мөрәҗәгатьне карау максатларында үземнең шәхси белешмәләрне эшкәртүгә, саклауга һәм тиешле урыннарга җибәрүгә ризалыгымны бирәм
Ян-яктагы барлык юллар тутырылырга тиеш
Медиа-материаллар
Вакыйгалар фотогалереясе
10 апрель 2010
Татарстан Республикасы Дәүләт Советы бинасының фотографияләре
Барлык вакыйгалар
Депутатлар корпусы
Сотрудничество

Дәүләт Советының яңалыклары



Вакыйга турында фото



















Дәүләт Советының дүртенче утырышы 23 октябрьдә була

16 октябрь 2019, 16:45

Дәүләт Советының дүртенче утырышы 23 октябрьдә була
Алтынчы чакырылыш Татарстан Республикасы Дәүләт Советының дүртенче утырышы 23 октябрьдә була. Бу хактагы карар бүген булган парламент Президиумы утырышында кабул ителде. Парламентарийлар утырышта 19 мәсьәлә карарга ниятлиләр, аларның тугызы – республика законнары, бишесе – федераль законнар проектлары.

Республика закон проектларының сигезе – беренче, берсе икенче укылышка чыгарыла.

Көн тәртибендә каралырга тиешле «2020 елга, 2021 һәм 2022 еллар план чорына Татарстан Республикасы бюджеты турында»  закон проекты, һичшиксез, иң төп мәсьәләләрнең берсе булып тора. Татарстан Президенты Рөстәм Миңнеханов тарафыннан кертелгән әлеге закон проекты буенча парламент комитетларында, зона  киңәшмәләрендә һәм парламент тыңлауларында  фикер алышулар булып узды инде.

«Киләсе финанс елына бюджет проекты киеренке, әмма социаль юнәлешле, – диде Дәүләт Советы Рәисе Фәрит Мөхәммәтшин, – узган ел белән чагыштырганда аны тормышка ашыру катлаулырак булачак,  бу бюджетны формалаштыруга йогынты ясый торган күп кенә факторларга бәйле. Моннан тыш, республика икътисадына тышкы факторлар тәэсире дә, федераль үзәк тарафыннан куелган параметрлар да бар, без аларны исәпкә алырга тиеш. Чыгымнарның  70% тан артыгы –  социаль. Бер генә дәүләт программасы да читтә калмаган. Болардан тыш, илкүләм проектларны гамәлгә ашыру чыгымнары да исәпкә алынган».

2020 елга республика бюджетында керемнәр – 264,8 млрд. сум, чыгымнар – 267,96 млрд. сум, кытлык   3,1 млрд. сум дип планлаштырыла.

Бюджет белән беррәттән Территориаль мәҗбүри медицина иминияте фонды бюджеты турында закон проекты да каралачак. Анда 2020 елда керемнәр һәм чыгымнар бертигез  – 57, 7 млрд. сум.

Дәүләт Советы Секретаре Лилия Маврина билгеләп үткәнчә, беренче укылышка чыгарылучы закон проектлары Экология кодексына, шулай ук дәүләт мөлкәтен хосусыйлаштыру, кече һәм урта эшкуарлыкны үстерү, шәһәр төзелеше эшчәнлеге, наркоманияне һәм токсикоманияне профилактикалау, ТР Конституция суды һәм җәмәгать судьялары турында законнарга үзгәрешләр кертә.

Икенче укылышта каралачак «Татарстан Республикасында мәдәни мирас объектлары турында» ТР Законына үзгәрешләр кертү хакында закон проекты Татарстан Республикасы территориясендә урнашкан аеруча кыйммәтле тарих һәм мәдәният объектларының сакланышын тәэмин итүгә юнәлдерелгән.

«Хөкүмәт сәгате» кысаларында Татарстан Республикасында җитештерү һәм куллану калдыклары белән эш итүнең яңа системасына күчү проблемалары турында Татарстан Республикасы Министрлар Кабинеты мәгълүматы тыңланачак.

Бүгенге утырышта Татарстан Президентының Дәүләт Советына юлламасында әйтелгән тәкъдимнәрне тормышка ашыру буенча чаралар планы расланды. Мондый план ел саен кабул ителә.  «Узган ел кабул ителгән, 28 пункттан торган, үз эченә 45 чараны алган план, нигездә, үтәлде, – диде Дәүләт Советы Рәисе урынбасары  Татьяна Ларионова үз чыгышында, – планда каралган берничә чара 2019 ел ахырына кадәр үтәләчәк».

Быелгы план Президент юлламасының 37 тезисы буенча 48 чарадан тора. Анда парламент комитетларының һәм комиссияләренең  киңәйтелгән һәм күчмә утырышлары, түгәрәк өстәлләр планлаштырылган. Планга кертелгән бурычларны үтәүне законлы рәвештә тәэмин итү буенча тәкъдимнәр  әзерләнәчәк һәм профильле комитетлар утырышында контроль мәсьәләләр каралачак.

Алда бик җитди мәсьәләләр – ТАССР оешуның 100 еллыгы уңаеннан  уздырылачак чаралар, туган телләрне саклау һәм үстерү өчен федераль  үзәк белән берлектә шартлар тудыру, полилингваль  мәктәпләр челтәре булдыру, кеше капиталын үстерү,  халыкның тормыш дәрәҗәсен күтәрү, «Безнең ишегалды» программасын тормышка ашыру, медицинаны халыкка якынайту, авыруларны  профилактикалау, гериатрия хезмәтен үстерү,  демографияне яхшырту, бизнес алып бару өчен уңай шартлар тудыру, авыл хуҗалыгы товарларын эшкәртүне киңәйтү, цифрлы технологияләргә  күчү һәм башка чаралар тора.

Дәүләт Советының профильле сигез комитеты каршында да эксперт советлары эшләячәк. Утырышта бу хакта да махсус карар кабул ителде.  Фәрит Мөхәммәтшин билгеләп үткәнчә,  узган чакырылышта  эксперт советлары үзләрен яхшы яктан күрсәткәннәр.  «Без берьюлы берничә мәсьәләне хәл итәбез, – диде парламент башлыгы, – хаталардан сакланабыз һәм закон проектларын тикшерүдә катнашучылар санын арттырабыз, аңлату эшләре алып барабыз». 

Президиум утырышында башка мәсьәләләр дә каралды.

Дәүләт Советы матбугат хезмәте



Кирегә


Депутат мөнбәре
ҺАДИЕВ Таһир Галимҗан улы
ҺАДИЕВ Таһир Галимҗан улы
Экология, табигатьтән файдалану, агросәнәгать һәм азык-төлек сәясәте комитетының бишенче чакырылыш ТР Дәүләт Советында эшчәнлеге
"Татарстан" радиосының "Депутат каналы" 21 май, 2019 ел
Сылтамалар
Вакыйгалар календаре
дүшсишчәрпәнҗҗомшимякш
28
29
30
31
01
02
03
04
05
06
07
08
09
10
11
12
13
14
15
16
17
18
19
20
21
22
23
24
25
26
27
28
29
30
01
Сайттагы яңалык
24 октябрь 2019
24 октябрь 2019
24 октябрь 2019
24 октябрь 2019
24 октябрь 2019
Яңалыкларга язылу
Сайтта сораштыру
Сезнеңчә яңа сайтта нәрсә җитешми?
интерактивлык, кире элемтә
рәсми документлар
фото һәм видео материаллар
җавап бирергә кыенсынам
Сылтамалар
Портал муниципальных образований Республики Татарстан
 Татарстан Республикасы Дәүләт Советының рәсми сайты, 2008 - 2016 еллар.
Сайтның администраторы
Материаллардан файдаланганда чыганакка сылтама ясау мәҗбүри.